ຫ້ອງການເມືອງ ປກສ ແຂວງວຽງຈັນສ້າງຂະບວນການແຂ່ງຂັນກິລາຕ້ອນຮັບວັນສໍາຄັນຂອງພັກ-ຂອງຊາດ.

ເພື່ອເປັນການສ້າງຂະບວນການຂ່ຳນັບຮັບຕ້ອນວັນຊາດທີ 2 ທັນວາ ຄົບຮອບ 43 ປີ ຄື 2ທັນວາ 1975 ຫາ 2 ທັນວາ 2018 ແລະວັນຄ້າຍວັນເກີດຂອງທ່ານປະທານ ໄກສອນ ພົມວິຫານຄົບຮອບ 98 ປີຄື 13 ທັນວາ 1920 ຫາ 13 ທັນວາ 2018 ທີ່ຈະມາຮອດມາເຖິງໃນມໍ່ໆນີ້ໃຫ້ມີຄວາມໝາຍ, ຄວາມສຳຄັນເຕັມໄປດ້ວຍບັນຍາກາດເບີກບານມ່ວນຊື່ນ ແລະ ໄດ້ຮັບຜົນສຳເລັດຕາມລະດັບຄາດໝາຍທີ່ວາງໄວ້

ສະນັ້ນຫ້ອງການເມືອງ ປກສ ແຂວງຈຶ່ງໄດ້ສ້າງຂະບວນການແຂ່ງຂັນກິລາບານເຕະຂຶ້ນໃນວັນທີ 22 ພະຈິກ2018 ເຊິ່ງໄດ້ແບ່ງອອກເປັນ 2 ທິມ, ທິມຫ້ອງການກອງບັນຊາການ ແລະ ທິມຫ້ອງການເມືອງ ປກສ ແຂວງວຽງຈັນ.

ການຈັດການແຂ່ງຂັນກິລາເຕະບານໃນຄັ້ງນີ້ກໍ່ເພື່ອເປັນການສ້າງຂະບວນການຂໍ່ານັບຮັບຕ້ອນວັນສຳຄັນຕ່າງໆຂອງຊາດ- ຂອງພັກ, ໃຫ້ມີຄວາມໝາຍ, ຄວາມສຳຄັນເຕັມໄປດ້ວຍບັນຍາກາດເບີກບານມ່ວນຊື່ນອີກຢ່າງໜຶ່ງກໍ່ເພື່ອມິດຕະພາບ, ເພື່ອຄວາມສາມັກຄີລະຫວ່າງຊາວໜຸ່ມດ້ວຍກັນໃຫ້ມີຄວາມແໜ້ນແຟ້ນຍິ່ງໆຂຶ້ນ

ໂອກາດດຽວກັນຍັງໄດ້ພ້ອມກັນສ້າງຂະບວນການອອກແຮງງານລວມ ເພື່ອຕ້ອນຮັບວັນສຳຄັນຂອງຊາດຂອງພັກ ຢ່າງເປັນຂະບວນຟົດຟື້ນ ເຊິ່ງໄດ້ພ້ອມກັນອະນາໄມຕາມສຳນັກງານ, ຫ້ອງການ ເກັບຂີ້ເຫື້ຍອຕາມເດີ່ນກອງບັນຊາການ ປກສ ແຂວງ ທັງນີ້ກໍ່ເພື່ອໃຫ້ມີຄວາມສະອາດຈົບງາມ ປັດສະຈາກຄວາມເປິເປື້ອນຄຽງຄູ່ກັບຂະບວນການອອກແຮງງານ ພະນັກງານ-ນັກຮົບຍັງໄດ້ສ້າງຂະບວນການແຂ່ງຂັນເຮັດວຽກງານວິຊາສະເພາະ, ວຽກງານປ້ອງກັນຄວາມສະຫງົບ ແລະ ວຽກງານອື່ນໆ ຢ່າງຕັ້ງໜ້າ.

Leave a Reply