ສຳເລັດກອງປະຊຸມໃຫຍ່ຄັ້ງທີ I ຂອງກຳມະບານຮາກຖານທະນາຄານການຄ້າຕ່າງປະເທດລາວມະຫາຊົນສາຂາໂພນໂຮງ

ກອງປະຊຸມດັ່ງກ່າວໄດ້ໄຂຂຶ້ນຢ່າງເປັນທາງການ ໃນວັນທີ 21 ພະຈິກ 2018 ຢູ່ທີ່ຫ້ອງປະຊຸມຂອງ ໜ່ວຍບໍລິການຫຼັກ 52

ໂດຍການເປັນປະທານຂອງ ທ່ານ ລັນນີ ດຳລົງບຸນ ປະທານກຳມະບານຮາກຖານ ທຄຕລ ມາຫາຊົນສາ ຂາໂພນໂຮງ, ເປັນກຽດເຂົ້າຮ່ວມຂອງທ່ານ ເທບພະໄທ ແກ້ວເຂັມເພັດ ກຳມະການພັກແຂວງ ປະທານສະຫະພັນກຳ ມະບານແຂວງວຽງຈັນ, ມີ ທ່ານ ພູທອນ ດວງພະຈັນ ເລຂາໜ່ວຍພັກ ຜູ້ອຳນວຍການ ທຄຕລ ມະຫາຊົນສາຂາໂພນ ໂຮງ, ມີແຂກຖືກເຊີນ, ພະນັກງານ ສະມາຊິກກຳມະບານຂອງ ທຄຕລ ມະຫາຊົນສາຂາໂພນໂຮງເຂົ້າຮ່ວມຢ່າງພ້ອມ ພຽງ.

ໃນກອງປະຊຸມ ທ່ານ ລັນນີ ດຳລົງບຸນ ປະທານກຳມະບານຮາກຖານ ທຄຕລ ສາຂາໂພນໂຮງ ໄດ້ຂຶ້ນຜ່ານບົດ ລາຍການເມືອງ ເຊິ່ງທ່ານໄດ້ຍົກໃຫ້ເຫັນຜົນງານທີ່ພົ້ນເດັ່ນຫຼາຍດ້ານ, ຂໍ້ຄົງຄ້າງ , ບົດຮຽນທີ່ຖອດຖອນໄດ້ ແລະ ທິດທາງແຜນການໃນຕໍ່ໜ້າ.

ກອງປະຊຸມຍັງໄດ້ບ່ອນບັດຄັດເລືອກເອົາຄະນະປະທານກຳມະບານຮາກຖານຊຸດໃໝ່ ຊຶ່ງ ມີຜູ້ສະໝັກຈຳນວນ 5 ສະຫາຍ, ເລືອກເອົາ 3 ສະຫາຍ, ກອງປະຊຸມຄັ້ງປະຖົມມະລຶກເປັນເອກະສັນ ເລືອກເອົາສະ ຫາຍ ແສງດາວ ຫຼວງສົມບັດ ເປັນປະທານກຳມະບານຮາກຖານຊຸດໃໝ່, ສະຫາຍ ສົມພອນ ຈິນດາມະນີ ເປັນຮອງ ທັງ ເປັນປະທານກວດກາ, ສະຫາຍ ບຸນມີ ສີວົງສາ ເປັນຄະນະ.

ຕອນທ້າຍຂອງກອງປະຊຸມຍັງໄດ້ຮັບຟັງການໂອ້ລົມຂອງ ທ່ານ ເທບພະໄທ ແກ້ວເຂັມເພັດ ກຳມະການພັກ ແຂວງ ປະທານສະຫະພັນກຳມະບານແຂວງ ເພື່ອເປັນເຂັມຊີ້ທິດເຍືອງທາງ ເຊິ່ງທ່ານໄດ້ຍ້ອງຍໍຊົມເຊີຍຕໍ່ຜົນງານທີ່ ຍາດມາໄດ້ ແລະ ທ່ານຍັງໄດ້ເນັ້ນຫຼາຍບັນຫາທີ່ສຳຄັນກ່ຽວກັບວຽກງານກຳມະບານ

ທ່ານຍັງຮຽກຮ້ອງໃຫ້ຄະນະ ປະທານຊຸດໃໝ່ຈົ່ງພ້ອມກັນຊີ້ນຳ-ນຳພາ ສະມາຊິກກຳມະບານພາຍໃນກຳມະບານຮາກຖານ ທຄຕລ ສາຂາໂພນໂຮງ ໃຫ້ມີຄວາມສາມັກຄີແນັ້ນແຟ້ນຍິ່ງຂຶ້ນກ່ວາເກົ່າ ພ້ອມກັນຈັດຕັ້ງປະຕິບັດວຽກງານກໍາມະບານ ໃຫ້ຕິດພັນກັບວຽກງານ ວິຊາສະເພາະ ແລະ ຕິພັນກັບຂໍ້ແຂ່ງຂັນຮັກຊາດ ແລະ ພັດທະນາ, ພ້ອມກັນຈັດຕັ້ງປະຕິບັດມະຕິກອງປະຊຸມ ໃຫ້ຄັ້ງນີ້ໃຫ້ປະກົດຜົນເປັນຈິງ.

ຂ່າວ: ວຽງຄຳ ເພັດດາວົງ

Leave a Reply