ສະຫະພັນກຳມະບານ ມອບເງິນກອງທຶນໃຫ້ຄອບຄົວສະມາຊິກຜູ້ເສຍຊີວິດ

ປະຕິບັດຕາມກົດລະບຽບຂອງກອງທຶນຊ່ວຍເຫຼືອເຊິ່ງກັນ ແລະ ກັນ ແລະ ກອງທຶນທະນຸເຄາະ ຂອງສະຫະພັນກຳມະບານ ແຂວງວຽງຈັນ ວາງອອກ.

ໃນຕອນບ່າຍ ວັນທີ 18 ທັນວາ 2018 ຜ່ານມານີ້ ຄະນະບໍລິຫານງານສະຫະພັນກຳມະບານເມືອງ ນຳໂດຍ ທ່ານ ນາງ ສົມຄິດ ຈິດດາວົງ ຮອງປະທານສະຫະພັນກຳມະບານເມືອງ ພ້ອມດ້ວຍຄະນະ ໄດ້ນຳເອົາເງິນສົດຈໍານວນ 30.998.400 ກີບ, ເພື່ອໄປມອບໃຫ້ສະມາຊິກກອງທຶນທະນຸເຄາະ ກໍ່ຄື:

ນາງ ພອນແກ້ວ ວິໄລສັກ ອາດີດສະມາຊິກກອງທຶນຢູ່ ບ້ານເລົາຄຳ ເມືອງເຟືອງ ແຂວງວຽງຈັນ ເຂົ້າເປັນສະມາຊິກກອງທຶນແຕ່ປີ 2006, ເຖິງແກ່ມໍລະນະກຳແຕ່ມື້ວັນທີ 30 ພະຈິກ 2018 ດ້ວຍພະຍາດຂອງຜູ້ກ່ຽວ ລວມອາຍຸໄດ້ 54 ປີ.

ກ່າວມອບໂດຍ ທ່ານ ນາງ ສົມຄິດ ຈິດດາວົງ ຮອງປະທານສະຫະພັນກຳມະບານເມືອງເຟືອງ ແລະ ກ່າວຮັບໂດຍ ທ່ານ ທອງຮັກ ວິໄລສັກ ຫົວໜ້າຄອບຄົວ, ເພື່ອນໍາໄປໃຊ້ຈ່າຍເຂົ້າໃນການກີນທານ ຫາສະມາຊີກທີ່ເສຍຊີວິດ ຕາມຮີດຄອງປະເພນີ,

ຊ່ອງໜ້າທ່ານ ນາງ ຄຳເມີງ ແພງວິຈິ ປະທານແນວລາວສ້າງຊາດ ຜູ້ຊີ້ນຳວຽກງານອົງການຈັດຕັ້ງມະຫາຊົນຂັ້ນເມືອງ, ມີ ທ່ານນາຍບ້ານ, ຫົວໜ້າຫ້ອງການ, ພາກສ່ວນກ່ຽວຂ້ອງ ແລະຍາດຕິພີ່ນ້ອງ ລູກຫຼານໄດ້ພ້ອມກັນເຂົ້າຮ່ວມເປັນສັກຂີພິຍານນຳ.

ຂ່າວ:ເມືອງເຟືອງ