ພິທີເປີດຂະບວນການແຂ່ງຂັນ 5 ເປັນເຈົ້າ ຂອງກຳມະບານຮາກຖານໂຮງໝໍແຂວງ

ວັນທີ 15 ພະຈິກ 2018 ຜ່ານມາ ຢູ່ທີຫ້ອງປະຊຸມໂຮງໝໍແຂວງວຽງຈັນ, ໄດ້ເປີດກອງປະຊຸມສະຫລຸບຜົນການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ຂອງກຳມະບານຮາກຖານໂຮງໝໍແຂວງ

ໂດຍການເປັນປະທານຂອງທ່ານ ດຣ ນັນທະກອນ ສີຫາປັນຍາ ປະທານກຳມະບານຮາກຖານໂຮງໝໍແຂວງ, ໃຫ້ກຽດເຂົ້າຮ່ວມໂດຍທ່ານ ດຣ ສົມຍົດ ດວງພະຈັນ ເລຂາຄະນະພັກຮາກຖານ, ອຳນວຍການໂຮງໝໍແຂວງ, ທ່ານ ຈັນສະໝອນ ຈັນທາທອນ ຮອງປະທານສະຫະພັນກຳມະບານແຂວງ ມີແຂກຖືກເຊີນ, ພະນັກງານ ພ້ອມດ້ວຍສະມາຊິກກຳມະບານທັງໝົດເຂົ້າຮ່ວມເຂົ້າຮ່ວມ.

ທ່ານ ດຣ ນັນທະກອນ ສີຫາປັນຍາ ໄດ້ຜ່ານບົດສະຫລຸບ ການຈັດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າໃນໄລຍະຜ່ານມາ ແລະ ທິດທາງແຜນການໃນປີຕໍ່ໜ້າ

ໃນປະຈຸບັນນີ້ກຳມະບານຮາກຖານໂຮງໝໍແຂວງ ແມ່ນມີສະມາຊິກກຳມະບານທັງໝົດ 169 ສະຫາຍ, ຍິງ 134 ສະຫາຍ, ມີ 01 ຮາກຖານ, ມີ 10 ໜ່ວຍກຳມະບານ, ສຳລັບການຈັດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າໃນໄລຍະຜ່ານມາ ສາມາດຕີລາຄາ ລວມໄດ້ 95%, ພ້ອມທັງວາງຄາດໝາຍສູ້ຊົນໃນຕໍ່ໜ້າ

ພິທີໄດ້ມອບ-ຮັບໃບຢັ້ງຢືນ 5 ເປັນເຈົ້າ ຂອງປະທານສະຫະພັນກໍາມະບານແຂວງ ໃຫ້ກຳມະບານຮາກຖານ 1 ໃບ ແລະ ໄດ້ມອບໃບຢັ້ງຢືນ ຂອງປະທານກໍາມະບານຮາກຖານໂຮງໝໍແຂວງ ໃຫ້ 10 ໜ່ວຍຂື້ນກັບ.

ຂ່າວ: ໄຊປັນຍາ.

Leave a Reply