ພະແນກການເງິນແຂວງວຽງຈັນ ປະກາດການຈັດຕັ້ງ ຮອງຫົວໜ້າພະແນກ.

ໃນຕອນເຊົ້າມື້ນີ້ ທີ່ຫ້ອງປະຊຸມໃຫຍ່ ພະແນກການເງິນແຂວງວຽງຈັນ (ຫຼັງໃຫມ່) ໄດ້ມີພິທີປະກາດການຈັດຕັ້ງຂື້ນ ໂດຍພາຍໃຕ້ການເປັນປະທານຂອງທ່ານ ບຸນໂຈມ ອຸບົນປະເສີດ ຮອງລັດຖະມົນຕີກະຊວງການເງິນ, ທ່ານ ນາງ ສິງຄຳ ຄົງສະຫວັນ ຮອງເຈົ້າແຂວງໆວຽງຈັນ, ມີຫົວໜ້າກົມຈັດຕັ້ງ ແລະ ພະນັກງານກະຊວງ, ພະແນກການທີ່ກ່ຽວຂ້ອງ, ພະນັກງານວິຊາການ ຂອງພະແນກການເງິນແຂວງເຂົ້າຮ່ວມ.

ທ່ານ ຄຳເຫຼັກ ທອງສະຫວັນ ຮັກສາການຫົວໜ້າພະແນກການເງິນ

ທ່ານ ຄຳເຫຼັກ ທອງສະຫວັນ ຮັກສາການຫົວໜ້າພະແນກການເງິນ ໄດ້ຂື້ນລາຍງານໂດຍຫຍໍ້ສະພາບການຈັດຕັ້ງ, ການເຄື່ອນໄຫວຂອງຂະແໜງການເງິນ ແລະ ແຜນງົບປະມານປີ 2018.

ໃນພິທີໄດ້ປະກາດແຕ່ງຕັ້ງ ທ່ານ ສົມບູນ ລັດຕະນະພອນ ຮອງຫົວໜ້າກົມຈັດຕັ້ງ – ພະນັກງານ ກະຊວງການເງິນ ເປັນຮອງຫົວໜ້າພະແນກການເງິນ ແຂວງວຽງຈັນ ໂດຍອີງຕາມ ຂໍ້ຕົກລົງສະບັບເລກທີ 1146/ຈຂ.ວຈ ລົງວັນທີ 14 ພະຈິກ 2018.

ທ່ານ ສົມບູນ ລັດຕະນະພອນ ຮອງຫົວໜ້າພະແນກການເງິນແຂວງວຽງຈັນ (ຜູ້ໃໝ່)

ໃນຕອນທ້າຍພິທີ ທ່ານ ບຸນໂຈມ ອຸບົນປະເສີດ ຮອງລັດຖະມົນຕີກະຊວງການເງິນ ໄດ້ໃຫ້ກຽດໂອ້ລົມຕໍ່ພິທີ ໂດຍທ່ານໄດ້ຍົກໃຫ້ເຫັນການປະກາດການຈັດຕັ້ງຂະແໜງການດັ່ງກ່າວໃນທົ່ວປະເທດ

ເພື່ອສືບຕໍ່ສົ່ງເສີມພະນັກງານຮຸ້ນສືບທອດ ປ່ຽນແທນ ເພື່ອຊ່ວຍເຫຼືອ ແລະ ນໍາພາວຽກງານຂະແໜງການເງິນພາຍໃນແຂວງໃຫ້ມີຄວາມກ້າວໜ້າຂື້ນໄປເລື້ອຍໆ, ຂໍໃຫ້ບັນດາທ່ານຄະນະນຳຂອງແຂວງ ແລະ ພະແນກການເງິນໃຫ້ການຕິດຕາມ ຊ່ວຍເຫຼືອໃຫ້ຮອງຫົວໜ້າພະແນກການເງິນແຂວງວຽງຈັນຜູ້ໃໝ່ ເຮັດສຳເລັດໜ້າທີ່ການເມືອງທີ່ຂັ້ນເທິງມອບໃຫ້.

ຕໍ່ກັບວຽກງານການເງິນຂອງແຂວງວຽງຈັນ ທ່ານໄດ້ຍ້ອງຍໍຊົມເຊີຍ ທີ່ແຂວງວຽງຈັນ ສາມາດເກັບລາຍຮັບເຂົ້າງົບປະມານ ໄດ້ລື່ນແຜ່ນການ 2% ໃນປີ 2018 ແລະ ທ່ານໄດ້ເນັ້ນໜັກໃຫ້ແຂວງວຽງຈັນສືບຕໍ່ສູ້ຊົນເກກັບລາຍຮັບເຂົ້າງົບປະມານ ໃນໄລຍະ 3 ເດືອນທ້າຍປີ 2018 ໃຫ້ໄດ້ເລື່ອນແຜນການຫຼາຍກວ່າເກົ່າ.

ພາບ ແລະ ຂ່າວ :​ ພູເງິນ ບົວທອງ ນັກຂ່າວແຂວງວຽງຈັນ.

 

Leave a Reply