ກອງປະຊຸມໃຫຍ່ຄັ້ງທີ III ຂອງກຳມະບານຮາກຖານສະພາປະຊາຊົນ ແຂວງວຽງຈັນ

ໃນຕົ້ນເດືອນ ພະຈິກ 2018 ຜ່ານມາ ກໍາມະບານຮາກຖານສະພາປະຊາຊົນແຂວງວຽງຈັນ ໄດ້ເປີດກອງປະຊຸມໃຫຍ່ຄັ້ງທີ III ຂື້ນຢ່າງເປັນທາງການ ທີ່ຫ້ອງປະຊຸມດັ່ງກ່າວ

ໂດຍການເປັນປະທານຂອງ ທ່ານ ຄຳສອນ ພຸດສະຫວັນ ປະທານກຳມະບານຮາກຖານສະພາປະຊາຊົນ ແຂວງວຽງຈັນ, ໃຫ້ກຽດເຂົ້າຮ່ວມໂດຍ ທ່ານ ຈັນສະໝອນ ຈັນທາທອນ ຮອງປະທານສະຫະພັນກຳມະບານແຂວງ, ແຂກຖືກເຊີນ, ຜູ້ແທນສົມບູນ, ພະນັກງານ ແລະ ສະມາຊິກກຳມະບານທັງໝົດເຂົ້າຮ່ວມ 50 ກ່ວາສະຫາຍ.

ທ່ານ ຄຳສອນ ພຸດສະຫວັນ ປະທານກຳມະບານຮາກຖານສະພາປະຊາຊົນແຂວງ ໄດ້ຂື້ນຜ່ານບົດລາຍງານການເມືອງທັງສອງພາກ, ໃນການເຄືອນໄຫວວຽກງານກໍາມະບານໄລຍະຜ່ານມາ ພ້ອມທັງວາງທິດທາງແຜນການຕໍ່ໜ້າ.

ກຳມະບານຮາກຖານສະພາປະຊາຊົນແຂວງແຂວງວຽງຈັນ ໄດ້ຖືເອົາວຽກງານສຶກສາອົບຮົມການເມືອງ – ແນວຄິດ ເປັນກົກ ໃຫ້ແກ່ຖັນແຖວພະນັກງານ, ສະມາຊິກກຳມະບານຮາກຖານຂອງຕົນ, ກໍາໄດ້ຕໍ່ກັບແນວທາງນະໂຍບາຍຂອງພັກ, ກົດໝາຍຂອງລັດ ເວົ້າລວມ ເວົ້າສະເພາະ ແມ່ນການປະຕິບັດຕາມພາລະບົດບາດ, ສິດ ແລະ ໜ້າທີ່, ນິຕິກໍາ, ຂໍ້ກໍານົດ, ກົດລະບຽບຕ່າງໆ ຂອງກຳມະບານລາວວາງອອກ ເປັນເຈົ້າການ ໃນການປົກປ້ອງສິດຜົນປະໂຫຍດອັນຊອບທໍາຂອງຊາວຜູ້ອອກແຮງງານບັນດາເຜົ່າ

ປະຈຸບັນນີ້ ກຳມະບານຮາກຖານພວກເຮົາ ປະກອບມີສະມາຊິກກຳມະບານທັງໝົດ 51 ສະຫາຍ, ຍິງ 21 ສະຫາຍ, ໃນນັ້ນມີສະມາຊິກກຳມະບານ ທີ່ເປັນສະມາຊິກພັກ 20 ສະຫາຍ, ຍິງ 09 ສະຫາຍ, ມີສະມາຊິກທີ່ເປັນຮອງເລຂາພັກແຂວງ 01 ສະຫາຍ, ກຳມະການພັກແຂວງ 01 ສະຫາຍ,

ເປັນສະມາຊິກສະພາແຫ່ງຊາດຊຸດທີ VIII ຈຳນວນ 03 ສະຫາຍ, ຍິງ 01 ສະຫາຍ, ສະມາຊິກສະພາປະຊາຊົນແຂວງ 06 ສະຫາຍ, ຍິງ 03 ສະຫາຍ, ມີສະມາຊິກກອງທຶນຊ່ວຍເຫລືອເຊິ່ງກັນ ແລະ ກັນ ແລະ ສະມາຊິກກອງທຶນທານຸເຄາະ ທັງໝົດ 22 ສະຫາຍ.

ກອງປະຊຸມໄດ້ຜ່ານມາດຖານເງື່ອນໄຂຂອງຜູ້ທີ່ຈະສະໝັກເຂົ້າເປັນ ຄະນະກໍາມະບານຮາກຖານຊຸດໃໝ່, ຈາກນັ້ນກໍ່ໄດ້ດຳເນີນການປ່ອນບັດເລືອກຕັ້ງເອົາຄະນະປະທານກຳມະບານຮາກຖານ ຊຸດໃໝ່ຂື້ນ, ກອງປະຊຸມຄັ້ງປະຖົມມະລຶກເປັນເອກະສັນ ເລືອກເອົາ ສະຫາຍ ຄຳສອນ ພຸດສະຫວັນ ເປັນປະທານ, ສະຫາຍ ຄຳຫລ້າ ສີສຸວົງ ເປັນຮອງ ທັງເປັນປະທານກວດກາ ແລະ ສະຫາຍ ສາຍສະໝອນ ວໍຣະຈິດ ເປັນຄະນະ.

ຕອນທ້າຍຂອງກອງປະຊຸມ ທ່ານ ຈັນສະໝອນ ຈັນທາທອນ ຮອງປະທານສະຫະພັນກຳມະບານແຂວງວຽງຈັນ ໄດ້ໃຫ້ກຽດໂອ້ລົມຕໍ່ກອງປະຊຸມ ເຊິ່ງທ່ານໄດ້ກ່າວຍ້ອງຍໍຊົມເຊີຍຕໍ່ຜົນງານ ການເຄື່ອນໄຫວວຽກງານຂອງກຳມະບານຮາກຖານທີ່ຍາດມາໄດ້ໃນໄລຍະຜ່ານມາ, ເປັນຕົ້ນແມ່ນການຍາດໄດ້ຜົນສຳເລັດໃນຫລາຍດ້ານ ແລະ ທ່ານຍັງໄດ້ເນັ້ນໜັກໃຫ້ຄະນະປະທານຊຸດໃໝ່ຂອງກຳມະບານຮາກຖານຈົ່ງເພີ່ມທະວີ ເອົາໃຈໃສ່ໃນການປະຕິບັດໜ້າທີ່ວຽກງານ ຂອງການຈັດຕັ້ງມອບໝາຍໃຫ້, ພ້ອມກັນຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງນີ້ ໃຫ້ນັບມື້ດີຂື້ນເປັນກ່າວໆ.

າວ: ໄຊປັນຍາ

Leave a Reply