ກອງປະຊຸມສ່ອງແສງການຈັດຕັ້ງປະຕິບັດວຽກງານ ປກຊ – ປກສ 3 ເມືອງ.

ຕອນເຊົ້າວັນທີ 13 ພະຈິກ 2018 ນີ້ ທີ່ສະໂມສອນຫ້ອງວ່າການປົກຄອງເມືອງໝື່ນ ໄດ້ເປີດກອງປະຊຸມສ່ອງແສງການຈັດຕັ້ງປະຕິບັດວຽກງານ ປ້ອງກັນຊາດ – ປ້ອງກັນຄວາມສະຫງົບ ຂອງ 3 ເມືອງ

ໂດຍການເປັນປະທ່ານ ຂອງທ່ານ ວິດົງ ໄຊຍະສອນ ກຳມະການສູນກາງພັກ,ເລຂາພັກເເຂວງ ,ປະທານ ປກຊ – ປກສ ແຂວງ, ເຈົ້າແຂວງ – ແຂວງວຽງຈັນ ,ມີເລຂາພັກເມືອງ – ເຈົ້າເມືອງ – ເມືອງໝື່ນ ,ເມືອງເຟືອງ ແລະ ເມືອງຊານະຄາມ,ມີຄະນະປະຈຳພັກເມືອງ,ກຳມະການພັກເມືອງ,ຄະນະກອງບັນຊາການປກຊ,ປກສ 3 ເມືອງ,ກອງປະຕິບັດງານ 208 ,ກອງຮ້ອຍຊາຍແດນ 232 ,ຫ້ອງການອ້ອມຂ້າງເມືອງ ແລະ ນາຍບ້ານເທດສະບານເມືອງໝື່ນເຂົ້າຮ່ວມ.

ທ່ານ ພູວອນ ບຸນວິໄລ ກຳມະການພັກເເຂວງ ,ເລຂາພັກເມືອງ ,ເຈົ້າເມືອງ – ເມືອງໝື່ນ ໄດ້ຕາງໜ້າໃຫ້ຄະນະພັກ,ອົງການປົກຄອງ 3 ເມືອງ ຂື້ນລາຍງານການຈັດຕັ້ງປະຕິບັດວຽກງານປ້ອງກັນຊາດ,ປ້ອງກັນຄວາມສະຫງົບ ຂອງ 3 ເມືອງປະຈຳປີ 2018 ແລະ ທິດທາງປີ 2019

່ເຊິ່ງໄດ້ຍົກໃຫ້ເຫັນຜົນງານໄຊຊະນະທີ່ພົ້ນເດັນເປັນຕົ້ນ ວຽກງານປັບປຸງອົງການປົກຄອງບ້ານ,ວຽກງານສ້າງແຜນກຳນົດພະນັກງານນຳພາ – ຄຸ້ມຄອງ ຂັ້ນເມືອງ,ຮາກຖານ ແລະ ຂັ້ນບ້ານ,ການກໍ່ສ້າງໜ່ວຍພັກເເຂວງຮູ້ນຳພາຮອບດ້ານ ແລະ ໜ່ວຍພັກປອດໃສ່ ເຂັ້ມແຂງ ໜັກເເໜ້ນ

ໂດຍໄດ້ຍົກໃຫ້ເຫັນດ້ານດີ,ດ້ານອ່ອນ ແລະ ຂໍ້ຄົງຄ້າງ ໃນການຈັດຕັ້ງວຽກງານ ປກຊ,ປກສ ຈາກນັ້ນ ທ່ານ ເຈົ້າເມືອງ – ເມືອງຊານະຄາມ ແລະ ເມືອງເຟືອງ ກໍ່ໄດ້ຂຶ້ນປະກອບຄວາມເຫັນຕໍ່ກອງປະຊຸມຕື່ມອີກ.

ທ້າຍພິທີໄດ້ຮັບຟັງການມີຄຳເຫັນ ແລະ ໂອ້ລົມ ຈາກທ່ານ ວີດົງ ໄຊຍະສອນ ກຳມະການສູນກາງພັກ ເລຂາພັກເເຂວງ,ເຈົ້າເເຂວງ – ແຂວງວຽງຈັນ ,ປະທານ ປກຊ,ປກສ

ກ່ອນອື່ນທ່ານໄດ້ສະເເດງຄວາມຍ້ອງຍໍຊົມເຊີຍຕໍຜົນງານ ແລະ ໄຊຊະນະຂອງ 3 ເມືອງ ທີ່ພ້ອມກັນຈັດຕັ້ງປະຕິບັດໃນໄລຍະທີ່ຜ່ານມາ ພ້ອມທັງເນັ້ນໜັກໃຫ້ສືບຕໍ່ລົງກໍ່ສ້າງຮາກຖານການເມືອງ ສຸມໃສ່ສ້າງໜ່ວຍພັກປອດໃສ່ເຂັ້ມແຂງໜັກແໜ້ນ,ສ້າງຄວາມເຂັ້ມແຂງໃນອົງການແນວລາວສ້າງຊາດ ແລະ ອົງການຈັດຕັ້ງມະຫາຊົນ,ຕິດພັນກັບການກໍ່ສ້າງພັກພະນັກງານ,ສືບຕໍ່ສ້າງພະນັກງານຂັ້ນບ້ານ,ຫັນເອົາພະນັກງານລົງຊ່ວຍບ້ານ,ສົ່ງເສີມພັດທະນາອາຊີບໃຫ້ປະຊາຊົນ

ແນໃສ່ ຂົງເຂດກະສິກຳ,ສົງເສີມການຜະລິດກະສິກຳສະອາດປອດສານຜິດ, ສືບຕໍ່ຜັ່ນຂະຫຍາຍມະຕິ,ຄຳສັ່ງຂອງຂັ້ນເທິງ ໃຫ້ໄດ້ດີ ຕ້ອງກຳໃຫ້ໄດ້ແນວທາງນະໂຍບາຍຂອງພັກ ເພື່ອຈັດຕັ້ງປະບັດໄປຕາມ 4 ເນື້ອໃນ 4 ຄາດໝາຍ ແລະ 5 ບາດກ້າວໃຫ້ປະກົດຜົນເປັນຈິງ.

ຂ່າວ ເມືອງໝື່ນ

Leave a Reply