ກອງປະຊຸມຝຶກອົບຮົມ ກ່ຽວກັບການຈັດຕັ້ງປະຕິບັດກົດໝາຍວ່າດ້ວຍການຕ້ານ ສະກັດກັ້ນ ການຟອກເງີນ ແລະ ການສະໜອງທືນໃຫ່ແກ່ການກໍ່ການຮ້າຍ

ວັນທີ 8 ພະຈິກ 2018 ຜ່ານມານີ້ ຢູ່ທີ່ຫ້ອງປະຊຸມລີສອດນາປ່າກວາງ ເມືອງແກ້ວອຸດົມ ແຂວງວຽງຈັນໄດ້ຈັດກອງປະຊຸມຝຶກອົບຮົມ ກ່ຽວກັບການຈັດຕັ້ງປະຕິບັດກົດໝາຍວ່າດ້ວຍການຕ້ານ ສະກັດກັ້ນ ການຟອກເງີນ ແລະ ການສະໜອງທືນໃຫ່ແກ່ການກໍ່ການຮ້າຍ ເຂົ້າໃນຂະບວນການສືບສວນ-ສອບສວນ ຄະດີການກະທຳຜິດຕົ້ນທີ່ຕິດພັນກັບການຟອກເງີນ ໃຫ້ເຈົ້າໜ້າທີ່ສຶບສວນ-ສອບສວນ, ໄອຍະການ ແລະ ສານ ໃນຂອບເຂດທົ່ວປະເທດ

ໂດຍການເປັນປະທານຂອງທ່ານ ນາງ ຂັນທະລີ ວົງໄຊລາດ ຮອງຫົວໜ້າສຳນັກງານຂໍ້ມູນຕ້ານການຟອກເງີນ ເປັນກຽດເຂົ້າຮ່ວມຂອງທ່ານ ພັທ ປອ ພັນໄຊ ທໍາມະສິດ ຮອງຫົວໜ້າກົມຕໍາຫຼວດເສດຖະກິດ ກະຊວງປ້ອງກັນຄວາມສະຫງົບ, ມີຕາງໜ້າຈາກກົມກວດກາຄະດີອາຍາ ອົງການໄອຍະການສູງສຸດ, ຫົວໜ້າພະແນກສືບສວນ-ສອບສວນ ຫ້ອງສັນຕິບານ ປກສ ນະຄອນຫຼວງ, ຫົວໜ້າຂະແໜງການສະກັດກັ້ນ, ກົມພາສີກະຊວງການເງີນ ແລະ ອົງການສືບສວນ-ສອບສວນພາຍໃນແຂວງວຽງຈັນ ເຂົ້າຮ່ວມ 40 ທ່ານ.

ທ່ານ ນາງ ຂັນທະລີ ວົງໄຊລາດ ຮອງຫົວໜ້າສຳນັກງານຂໍ້ມູນຕ້ານການຟອກເງີນ ກ່າວວ່າ: ເພື່ອປະຕິບັດຕາມມະຕິຂອງກອງປະຊຸມຄະນະກຳມະການແຫ່ງຊາດ ຄັ້ງວັນທີ 2 ສິງຫາ 2018 ກ່ຽວກັບການຈັດຕັ້ງປະຕິບັດກົດໜາຍວ່າດ້ວຍ ການຕ້ານສະກັດກັ້ນ ການຟອກເງີນ ແລະການສະໜອງທືນໃຫ້ແກ່ການກໍ່ການຮ້າຍ ສະບັບເລກທີ່ 50/ ສພຊ, ລົງວັນທີ 21 ກໍລະກົດ 2014

ຊຶ່ງຕໍ່ກັບການສຳມະນາ ເພື່ອແນໃສ່ການສ້າງຄວາມຮູ້ຄວາມເຂົ້າໃຈ ແລະການສ້າງຄວາມອາດສາມາດໃຫ້ແກ່ເຈົ້າໜ້າທີ່ ທີ່ກ່ຽວຂ້ອງຂັ້ນສູນກາງ ແລະ ທ້ອງຖິ່ນ ໃນການດໍາເນີນຄະຄີການກະທໍາຜິດຕົ້ນ ທີ່ຕິດພັນກັບການຟອກເງີນ

ການຈັດກອງປະຊຸມໃນຄັ້ງນີ້ ເພື່ອສ້າງຄວາມຮັບຮູ້ ແລະຄວາມເຂົ້າໃຈ ຂອງວຽກງານສະກັດກັ້ນ ການຟອກເງີນ ແລະ ການສະໜອງທືນໃຫ້ແກ່ການກໍ່ການຮ້າຍ, ການນຳໃຊ້ບັນດານິຕິກໍາທີ່ກ່ຽວຂ້ອງ ເຂົ້າໃນວຽກງານການດໍາເນີນຄະດີອາຍາ ທີ່ຕິດພັນກັບການຟອກເງີນ

ໃນກອງປະຊຸມແມ່ນຈະໄດ້ຮັບຟັງຫົວຂໍ້ທີ່ສຳຄັນຕາງໆເຊັ້ນ: ພາບລວມ ແລະສະຖານະພາບ ຂອງ ສປປລາວ ກ່ຽວກັບວຽກງານຕ້ານການຟອກເງີນ, ການສະໜອງທືນໃຫ້ແກ່ການກໍ່ການຮ້າຍ, ພາລະບົດບາດ ສໍານັກງານຕ້ານການຟອກເງີນ, ກົດໝາຍວ່າດ້ວຍຕ້ານການຟອກເງີນແລະ ນິຕິກໍາລຸ່ມກົດໝາຍທີ່ກ່ຽວຂ້ອງ, ການຈັດຕັ້ງປະຕິບັດຄໍາແນະນຳວ່າດ້ວຍການແຈ້ງເງີນສົດ, ວັດຖຸມີຄ່າ ແລະ ເຄື່ອງມືທາງດ້ານການເງີນໃນເວລາເຂົ້າອອກ ສປປລາວ ສະບັບເລກທີ 05/ຄຕຟງ ລົງວັນທີ 19 ພືດສະພາ 2018

ການສືບສວນ-ສອບສວນ ກໍລະນີ້ການການກະທໍາຜິດຕົ້ນ ໃນຂະແໜງເສດຖະກິດ ໄປຄ່ຽງຄູກັບກໍລະນີການຟອກເງີນ, ກົນໄກການປະສານ ແລະເກັບກໍາຂໍ້ມູນຫຼັກຖານ ການກະທໍາຜິດຕົ້ນທີ່ຕິດພັນກັບການຟອກເງີນ, ການພິຈາລະນາສັ່ງຟ້ອງ ແລະພິຈາລະນາ ຄະດີສະຖານການກະທໍາຜິດຕົ້ນ ຄ່ຽງຄູກັບກໍລະນີການຟອກເງີນ ໃນກອງປະຊຸມຍັງໄດ້ແລກປ່ຽນບົດຮຽນ ແລະ ສົນທະນາ ຕື່ມອິກ

ພາບ-ຂ່າວ: ປກສ ແຂວງວຽງຈັນ

Leave a Reply